महाभारतातली गोष्ट आठवतेय? अर्जुनाने पक्षाच्या डोळ्यावर बाण मारल्याची? बस ती पूर्ण गोष्ट म्हणजे डेफ्थ ऑफ फिल्डची गोष्ट ;)
आश्रमातले एक उंच झाड, त्याला असणाऱ्या अनेक फांद्या, त्यातल्या उंच फांदीवर टांगलेला पक्षी. त्या पक्षाचा डोळा. आणि खाली उभे अनेत शिष्य.
कोणाला वरचं निळं आकाश दिसलं. कोणाला फक्त झाडच दिसलं. कोणाला झाडावर टांगलेला पक्षी दिसला. तर अर्जुनाला फक्त पक्षाचा डोळाच दिसला.
असं का झालं? तर प्रत्येकाचा दृष्टिकोण वेगळा होता, फोकस वेगळा होता. त्यामुळे प्रत्येकाला वेगवेगळे दिसले. आणि जे दिसले ते फोकस मधे राहिले, बाकीचे आऊट ऑफ फोकस म्हणजेच ब्लर राहिले.
बसं
हेच फोटो काढताना करायचे असते तेव्हा वापराचे टेक्निक म्हणजे डेफ्थ ऑफ फिल्ड!
मोबाईल वा छोट्या कॅमेराने फोटो काढताना आपण कशावर फोकस जास्त करतो त्यावर कोणती गोष्ट स्पष्ट दिसेल अन कोणती गोष्ट ब्लर दिसेल हे ठरते.
उदा. हा फोटो पहा.
आणि हा फोटो पहा.
यात सर्वच गोष्टी फोकस मधे आहेत.
अर्थातच मोठ्या कॅमेरामधून, अपार्चरचा योग्य उपयोग करून हे जास्त छान साधता येते.
अर्थातच डेफ्थ ऑफ फिल्डचा उपयोग कसा करायचा ( पार्श्वभूमी ब्लर करायची की नाही हे ठरवणं) हे फोटोच्या गरजेनुसार ठरते. तुम्हाला अर्जुनाा सारखा फक्त डोळाच टिपायचाय की संपूर्ण निसर्ग टिपायचाय यावर ते ठरेल.
